नेकपा माओवादी केन्द्रले कर्णाली प्रदेश संसदीय दलका प्रमुख सचेतक ठम्मरबहादुर विष्टलाई दलको सदस्यबाट निलम्बन गरेको छ ।

दलका नेता महेन्द्रबहादुर शाहीले आज प्रेस विज्ञप्ति जारी गर्दै उनलाई दलको सदस्यबाट निलम्बन गरिएको जनाएका हुन् । 

यसअघि नै पदबाट राजीनामा घोषणा गरेका विष्ट नेकपा एमाले प्रवेश गर्ने तयारीमा छन् । उनलाई ३ चैतमा बसेको प्रदेशसभा दलको बैठकले राजीनामा फिर्ता लिएर नियमित काममा क्रियाशील हुन निर्देशन दिएको थियो । 

निर्देशन अवज्ञा गरेको भन्दै विष्टलाई दलको सदस्यबाट निलम्बन गरिएको विज्ञप्तिमा उल्लेख गरिएको छ ।