युक्रेनले करिब १५ हजार रुसी सैनिक मरिएको दाबी गरिएको छ ।
युक्रेनका सैन्य अधिकारीहरूले आफूहरूको सेनाले १४ हजार ७ सय रुसी सैनिकलाई मारेको दाबी गरेका हुन् ।
युक्रेनमाथि रुसले आक्रमण थालेको २५ दिन भएको छ ।
युक्रेनी शहर मारियुपोल, जपोरजिया र राजधानी किभमा भीषण संघर्ष जारी रहेको बिबिसीले जनाएको छ ।
युक्रेनका सेनाप्रमुखका स्टाफको तर्फबाट गरिएको एक फेसबुक अपडेटमा अधिकारीहरूलाई उद्धृत गर्दै १४ हजार ७ सय सैनिक मारिएको बताइएको छ ।
यसक्रममा रुसी सेनाका सरसामान पनि नष्ट भएको जनाइएको छ । जसमा ४७६ ट्यांक २ सयभन्दा धेरै लडाकु विमान, हेलिकप्टर र ड्रोनका साथै १ हजार ४८७ सवारी साधन रहेको दाबी युक्रेनको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
