‍‍गैरआवासीय नेपाली संघ (एनआरएनए)का पूर्वअध्यक्ष भवन भट्टले संगठनमा कलियुगमा प्रवेश गरेको भन्दै अध्यात्मक तरिकाले व्याख्या गरेका छन् ।

काठमाडौंमा जारी १०औँ महाधिवेशनलाई सम्बोधन गर्दै संस्थापक अध्यक्ष उपेन्द्र महतोको पालामा एनआरएनए सत्ययुगमा रहेको र अहिले कलियुगमा प्रवेश गरेको उनको तर्क छ । 

‘एनआरएन स्थापना गर्दैगर्दा उपेन्द्रजीको पालामा सत्ययुगमा थियो, जीवाजीको पालामा चुनाव भएन, त्यसलाई त्रेतायुग नै मानौं’, भट्टले भने, ‘मेरो पालामा शेषजीसँग निर्वाचन भयो, त्यसलाई द्वापर युग मानौं, अहिले विवाद देख्दा कलियुग जस्तो लागेको छ ।’

उनले एनआरएनए संस्था पवित्र उद्देश्यका साथअघि बढेकाले विचलित नभइकन एनआरएनएको एकताका लागि पहल गर्न पनि आह्वान गरेका छन् ।