इन्डियन प्रिमियर लिग(आइपिएल) अन्तर्गत आज सम्पन्न खेलमा डिल्ली क्यापिटल्स विजयी भएकाे छ ।
सुखद् सुरूवात गर्ने क्रममा दिल्लीले मुम्बई इन्डियन्समाथि ४ विकेटकाे जित हात पारेकाे हाे ।
१७८ रनकाे लक्ष्य दिल्लीले १८.२ ओभरमा ६ विकेट गुमाउँदै पूरा गर्याे ।
दिल्लीका लागि ललित यादवले अविजित ४८ रनकाे याेगदान दिए । ३८ बलकाे सामना गरेका उनले ४ चाैका र २ छक्का प्रहार गरे ।
अक्षर पटेल ३८ रनमा अविजित रहँदा पृथ्वी शाले ३८ रन जाेडे ।
मुम्बईका लागि बेसिल थम्पीले ३, मुरूगन आश्विनले २ तथा टाइमल मिल्सले १ विकेट हात परे ।
यसअघि मुम्बईस्थित ब्रेबोर्न स्टेडियममा टस हारेर ब्याटिङकाे निम्ताे पाएकाे मुम्बईले निर्धारित २० ओभरमा ५ विकेट गुमाउँदै १७७ रन बनाएकाे थियाे ।
मुम्बईका लागि इशान किशनले सर्वाधिक ८१ रनकाे याेगदान दिए । ४८ बलकाे सामना गरेका उनले ११ चाैका र २ छक्का प्रहार गरे ।
कप्तान राेहित शर्माले ४१ र तिलक बर्माले २२ रन जाेडे ।
दिल्लीका लागि कुलदीप यादवले ३ तथा खलिल अहमदले २ विकेट हात पारे ।
याे जितसँगै दिल्लीले २ अंक जोड्दा मुम्बईले हारबाट प्रतियाेगिताकाे सुरूवात गरेकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।