अमेरिकामा कोरोना ओमिक्रोनको सबभेरियन्ट बिए. २ का संक्रमित अत्यधिक बढेका छन् । 

अमेरिकाको रोग नियन्त्रण तथा रोकथाम केन्द्रको नयाँ तथ्यांकअनुसार पछिल्लो पटक नयाँ संक्रमितमध्ये ५४.९ प्रतिशत यो सबभेरियन्टका संक्रमण भेटिएका हुन् ।

यो सबभेरियन्टका कारण सबैभन्दा कठिनाइ पूर्वोत्तर क्षेत्रमा भएको बताइएको छ ।  यहाँ बिए.२ को संक्रमितको संख्या ७० प्रतिशतभन्दा अधिक रहेको अमेरिकी सञ्चारमाध्यम सिएनएनले जनाएको छ । 

अमेरिकाको उत्तर र माउन्टेन वेस्टमा सबैभन्दा कम संक्रमित रहेको बताइएको छ । बिए. २ यी क्षेत्रमा एक तिहाइभन्दा धेरै संक्रमण बढिरहेको छ ।