इन्डियन प्रिमियर लिग (आइपिएल) अन्तर्गत गए रातिकाे खेलमा राेयल च्यालेन्जर बैंग्लाेर विजयी भएकाे छ ।
बैंग्लाेरले पहिलाे जित निकाल्ने क्रममा काेलकाता नाइट राइडर्सलाई ३ विकेटले पराजित गरेकाे हाे ।
१२९ रनकाे लक्ष्य बैंग्लाेरले ४ बल बाँकी छँदा ७ विकेट गुमाएर पूरा गर्याे ।
बैंग्लाेरका लागि सेफर्न रदरफाेर्डले सर्वाधिक २८ रनकाे याेगदान दिए ।
सहवाज अहमदले २७ बनाउँदा दिनेश कार्तिक १४ र हर्षल पटेल १० रनमा अविजित रहे ।
काेलकाता लागि टिम साउदीले ३, उमेश यादवले २ तथा सुनिल नारायण र वरुण चक्रवर्तीले १/१ विकेट लिए ।
त्यसअघि मुम्बईस्थित डिवाई पाटिल स्पोर्ट्स एकेडेमी मैदानमा टस हारेर ब्याटिङकाे निम्ताे पाएकाे कोलकाताले १८.५ ओभरमा सबै विकेट गुमाउँदै १२८ रन बनाएकाे थियाे ।
काेलकाताका लागि आन्द्रे रसेलले सर्वाधिक २५ रन बनाए ।
उमेश यादवले १८ र साम विलिंग्सले १४ रन जाेड्दा वरूण चक्रवर्ती १० रनमा अविजित रहे ।
बैंग्लाेरका लागि वानिन्दु हसरंगाले ४, आकश दीपले ३, हर्षल पटेलले २ तथा माेहम्मद सिराजले १ विकेट हात पारे ।
जितसँगै बैंग्लाेरले २ खेलमा २ अंक जाेड्दा पहिलाे पराजय बेहाेरेकाे काेलकाताकाे पनि समान खेलबाट २ अंक नै छ ।
पहिलाे खेलमा बैंग्लाेर पञ्जाब किंग्ससँग ५ विकेटले पराजित हुँदा काेलकाताले चेन्नइ सुपर किंग्सलाई ६ विकेटले हराएकाे थियाे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
