नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाली कांग्रेसले चुनावी तालमेलको विषयलाई हल्का रुपमा लिएको भन्दै असन्तुष्टि जनाएका छन् ।
बिहीबार बसेको सत्ता गठबन्धनको बैठकमा माओवादी केन्द्रका अध्यक्ष प्रचण्डले विश्वासिलो आधार नदिए नेकपा एमालेतिर जाने चेतावनी दिएका छन् ।
प्रचण्डले तालमेलमा ‘सम्मानजनक हैसियत’को विषय उठाउँदै चुनावी तालमेलको विश्वासिलो आधार दिन कांग्रेससँग आग्रह गरे ।
मंगलबार बसेको कांग्रेस केन्द्रीय कार्यसमिति बैठकले सत्ता गठबन्धनका दलहरुसँग स्थानीय अवस्था र आवश्यकता अनुरुप गठबन्धन गर्ने निर्णय गरेको थियो ।
कांग्रेसको निर्णयले पूरै आश्वस्त हुन नसकेको भन्दै प्रचण्डले ‘तपाईंहरुले जित त सुनिश्चित गरिसक्नुभएकै छ, अब त्यसमा के छलफल गराई भयो र ?’ भन्दै प्रश्न गरेका थिए ।
आफूले नचाहँदा नचाहँदै पनि एमालेसँग गठबन्धन गर्नुपर्ने अवस्था आउन सक्ने र त्यसबाट सत्ता गठबन्धनलाई अप्ठ्यारो पर्न सक्ने चेतावनी दिएका थिए ।
बैठकमा प्रचण्डले २०७४ सालको निर्वाचनमा विजयी भएको स्थानलाई सोही दलका उम्मेदवारलाई छाडिदिने र बाँकी भागबन्डा गर्ने प्रस्ताव गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
