राप्रपा प्रवक्ता लावतीकाे दावी : यसपटक मतदाताको छनोटमा परिवर्तन आउँछ
फरकधार / २९ चैत, २०७८
फाइल फाेटाे

राष्ट्रिय प्रजातन्त्र पार्टी (राप्रपा)का प्रवक्ता सगुनसुन्दर लावतीले स्थानीय तहको निर्वाचनमा मतदाताको छनोटमा परिवर्तन आउने बताएका छन् । 



जनताले यसपटक फरक दल र फरक प्रतिनिधिलाई चुन्ने उनको दाबी छ । 

प्रवक्ता लावतीले ताप्लेजुङको पाथिभरा-याङ्वरक गाउँपालिकामा मंगलबार आयोजित चुनावी कार्यक्रममा बाेल्दै भने, ‘नेपाली जनता विकल्प चाहन्छन् । त्यसकारण जनताले विगतभन्दा फरक रूपमा मतदान गर्नेछन् । जनताले फरक पार्टी र फरक उम्मेदवारलाई मत दिनेछन् । जनताको प्राथमिकता र चाहनामा परिवर्तन आउने छ ।’
 
उनले भारतको आवधिक निर्वाचनहरूमा कांग्रेस आईको घट्दो लोकप्रियता र भाजपाको उदय चित्रण गर्दै लावतीले आगामी निर्वाचनमा मतदाताको प्राथमिकता परिवर्तन हुने जिकिर गरे ।



‘सबैभन्दा बढी भ्रष्टाचार स्थानीय तहमा हुने गरेको अवस्था विद्यमान छ । यस्तो कहालीलाग्दो अवस्थालाई चिरेर राप्रपाले भ्रष्टाचारमुक्त प्रशासन कायम गर्नेछ’, लावतीले भने, ‘राप्रपाका कुनै पनि प्रतिनिधिले भ्रष्टाचार गर्ने छैनन्, गर्न दिने छैनौं । समाजको यो महारोग भ्रष्टाचारलाई पूर्ण नियन्त्रण गर्नेछ ।’



राप्रपाले जितेका स्थानमा १२ कक्षासम्म निःशुल्क शिक्षा उपलब्ध गराइने पनि बताए । 

  • प्रकाशित मिति : चैत २९, २०७८ मंगलबार १४:१२:४८,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया