सुर्खेत कारागारबाट २० वर्षअघि  ‘जेल ब्रेक’ गरी फरार भएका एक कैदीलाई प्रहरीले पक्राउ गरेको छ । 

पक्राउ पर्नेमा सुर्खेतको वराहताल गाउँपालिका–८ का ४७ वर्षीय भक्तबहादुर शाही रहेका छन् । ०५८ माघ २ गते राति सुरुङ खनेर सुर्खेत कारागारबाट शाहीलगायत केही कैदी फरार भएका थिए ।

जिल्ला अदालत, सुर्खेतले ०५२ चैत्र २ गते शाहीलाई सर्वस्वसहित जन्मकैदको सजाय सुनाएको थियो । विशेष सूचनाका आधारमा शाहीलाई कर्णाली प्रदेश प्रहरी ब्युरोलगायतको टोलीले शुक्रबार पक्राउ गरेको हो ।

पक्राउ परेका शाहीलाई शुक्रबार जिल्ला अदालत सुर्खेतमा उपस्थित गराइएको जिल्ला प्रहरी कार्यालय, सुर्खेतले जनाएको छ ।