अभिनेता पल शाहले आफूमाथि बारम्बार बलात्कार आरोप लगाएकी नाबालिग गायिकाले नवलपरासी पूर्वमा पनि बयान फेरेकी छिन् । 

बुधबार नवलपुरको अदालतमा बकपत्रका लागि पुगेकी उनले आफूमाथि पलले करणी नगरेको दाबी गरेकी हुन् ।

यतिमात्र होइन, उनी नवलपुर अदालतमा बकपत्र दिने क्रममा रोएकी पनि थिइन् ।

यसअघि उनले ७ चैत २०७७ मा गैंडाकोटको एक रिसोर्टमा पलले आफूमाथि जबरजस्ती गरेको आरोप लगाउँदै १५ फागुन २०७८ मा जाहेरी दर्ता गरेकी थिइन् ।

केही दिनअघि तनहुँ अदालतमा पनि गायिकाले आफ्नो बयान फेरेकी थिइन् ।

उनले नवलपुरको अदालतमा पल आफ्नो अभिभावक भएको र उनले आफूहरुबीच कुनै नराम्रो सम्बन्ध भएको बताएकी हुन् । आरोपित पल अहिले पुर्पक्षका लागि थुनामा छन् ।