जनता समाजवादी पार्टी (जसपा) नेपालका कार्यकर्ताले जनकपुरधामस्थित जसपाको प्रदेश पार्टी कार्यालय घेराउ गर्दै विरोध प्रदर्शन गरेका छन् । 

धनुषाको धनुषाधाम नगरपालिकाको नगरसमिति बैठकबाट सिफारिस भएका नाममध्ये मेयर पदका उम्मेदवार संजीव यादवको नाम हटाइएको भन्दै उनीहरूले विरोध प्रदर्शन गरेका हुन् । 

संजीवको नाम हटाएर नगरसमिति बैठकले सिफारिस गरेका नामहरू विनोद भर्खेर र ज्ञानकुमार यादवको नाम मात्र समावेश गरिएको विरोधमा यादवका समर्थकले नाराबाजी गर्दै पार्टी कार्यालय घेराउ गरेका छन् । 

धनुषाधाम नगरपालिकाको नगरसमिति बैठकबाट विनोद भर्खेर, ज्ञानकुमार यादव र संजीव यादवको नाम सिफारिस भएको थियो । 

तर, जिल्ला समन्वय समिति धनुषाले मधेस प्रदेश समितिमा सिफारिस गरेका नामहरूमध्येबाट मनोमानी तरिकाले संजीवको नाम हटाएपछि विरोधमा समर्थकले नाराबाजी गरेका हुन् ।