इटालियन राष्ट्रिय फुटबल टोलीका कप्तान तथा डिफेन्डर जर्जियो चिलिनीले आफ्नो अन्तर्राष्ट्रिय फुटबलबाट सन्न्यास लिने घोषणा गरेका छन् ।
३७ वर्षीय चिलिनीले आगामी जुनमा वेम्बली स्टेडियममा हुने इटाली र अर्जेन्टिनाबीचको मैत्रीपूर्ण खेल नै आफ्नो अन्तर्राष्ट्रिय करिअरको अन्तिम हुने बताएका हुन् ।
‘वेम्बलीको खेलपछि राष्ट्रिय टोलीबाट विश्राम लिनेछु,’ चिलिनीले भनेका छन् । उनको कप्तानीमा इटालीले युरो २०२० को उपाधि जितेको थियो । तर, टोली कतार विश्वकपमा भने छनोट हुन सकेन ।
चिलिनीले इटालीका लागि ११६ खेल खेल्दा आठ गोल गरेका छन् । उनले २००४ मा फिनल्याण्डविरुद्धको खेलबाट सिनियर टोलीका लागि डेब्यु गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।