मुस्ताङको कागबेनीमा बस दुर्घटना हुँदा एक जनाको मृत्यु भएको छ । 

विराटनगरदेखि मुस्ताङको मुक्तिनाथ तीर्थयात्री बोकेर गएको ना ५ क २१५९ नम्बरको बस दुर्घटना हुँदा एक जनाको मृत्यु भएको छ भने अन्य २८ जना घाइते भएका छन् ।

मुस्ताङको वारागुङ गाउँपालिका-१ मा दुर्घटनामा परेको बसमा ३८ जना तीर्थयात्री रहेको बताइएको छ । बसले स्कुटरलाई ठक्कर दिएको हो ।

बसको ठक्‍करबाट स्कुटर चालक महिलाको मृत्यु भएको मुस्ताङ जिल्ला प्रशासन कार्यालयले जनाएको छ । घाइतेहरूको मुस्ताङ जिल्ला अस्पतालमा उपचार भइरहेको प्रशासनले जनाएको छ ।