म्यादी प्रहरीको पोसाकमा सेल्फी भिडियो खिचाउँदै अस्वभाविक अभिव्यक्ति दिने एक किशोर पक्राउ परेका छन् । प्रहरीले कपिलवस्तुको वाणगंगा नगरपालिका-४ का १६ वर्षीय नवराज रेग्मीलाई पक्राउ गरेको हो ।
म्यादी प्रहरीको ड्रेस लगाएर आफू मिदी 'पुलिस'मा भर्ना भइसकेकोले आफ्ना साथीहरूले मन लागेको गर्नसक्ने भन्दै भिडियो खिचाएका थिए । उनले भिडियो आफू म्यादी प्रहरी भइसकेकाले आफ्ना साथीहरूलाई गाँजा पनि सेवन गर्न छुट रहेको बताएका थिए । उनको भिडियो इन्टरनेटमा भाइरल भएपछि प्रहरी खोजी सुरु गरेको थियो ।
जिल्ला प्रहरी कार्यालय कपिलवस्तुले रेग्मीलाई पक्राउ गरी सार्वजनिक अपराध अन्तर्गतको मुद्दा दर्ता गरिएको जनाएको छ । प्रहरीका अनुसार रेग्मीले म्यादी प्रहरीमा भर्ना भएका उनका फुपूका छोरा पुरण भट्टराईको पोशाक लगाएर भिडियो खिचेका थिए ।
जिल्ला प्रहरी कार्यालय कपिलवस्तुका प्रमुख एसपी दानबहादुर कार्कीले रेग्मीमाथि सार्वजनिक अपराध अन्तर्गत मुद्दा चलाइएको बताए । उनले पोसाक लगाएर टिकटक बनाउनुभन्दा पनि गाँजा खानुपर्छ भन्ने कुरालाई गम्भीर रूपमा लिएर मुद्दा चलाइएको बताए ।
भिडियो
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
