विष्णुहरि पौडेलद्वारा लिखित ६ वटा कृति शनिबार विमोचन गरिएको छ । 

प्रा. डा. जयराज आचार्यले काठमाडौंमा एक कार्यक्रमका बीच पौडेलद्वारा लिखित तामाकोटको पौडेलः बंश र कूल पूजा, चिन्तन, प्रारब्ध काव्य, तरंग कविता संग्रह, चित्रण यात्रा संस्मरण र कुसुम कविता संग्रह विमोचन गरेका हुन् ।

तनहुँ जिल्लाको सिमलचौंरमा जन्मिएका नेपाल सरकारका पूर्वसहसचिवसमेत रहेका उनले विभिन्न विधामा कलम चलाएर नयाँ कीर्तिमान कायम गरेको पूर्व राजदूतसमेत रहेका आचार्यले बताए । 

लेखक पौडेलले देशभित्र र देशबाहिर रहेका बेला आएको मनोभावनालाई आफ्नो कृतिमा काव्यका रूपमा, कविताका रूपमा, यात्रा संस्मरणका रूपमा समावेश गरिएको बताए ।

अमेरिकामा एक महिना बिरामी परेर बसेको बेलामा पनि आफूले संगालेको अनुभव आफ्ना कृतिमा रहेको पनि पौडेलले बताए । उनले कुसुम कविता संग्रहमा पौडेलहरूको कूलदेवता पूजा गर्ने संस्कारको पनि चित्रण गरेका छन् । 

आफूले बाल्यकालमा पढेको चुँदी रम्घाको विद्यालयको पनि उनले मेरो गुरुकुल शिक्षा र यात्रा संस्मरण नामक कृतिमा स्मरण गरेका छन् ।