जिल्ला प्रशासन कार्यालय मुगुले मादकपदार्थ बिक्री वितरण गर्न निषेध गरेको छ ।
जिल्ला निर्वाचन सुरक्षा समिति, मुगुको बैठकले मंगलबार राति १२ बजेदेखि निर्वाचनको परिणाम घोषण नभएसम्मको लागि मादकपदार्थ बिक्री वितरणमा रोक लगाइएको प्रमुख जिल्ला अधिकारी रोमबहादुर महतले जानकारी दिए ।
जिल्ला प्रशासन कार्यालयले निर्वाचनलाई स्वतन्त्र, निष्पक्ष, शान्तिपूर्ण, भयरहित र मर्यादित बनाउनका लागि मादकपदार्थ बिक्री वितरण तथा उपभोगजन्य कार्यलाई पूर्ण रूपमा निषेध गरेको जनाएको छ । यो निर्णयलाई अटेरी गरेको पाइएमा कडाभन्दा कडा कारबाही गरिने प्रशासनद्वारा जारी सूचनामा भनिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।