पर्सि (शुक्रबार) सुरु हुने स्थानीय तहको निर्वाचनको लागि गएरातिदेखि मौन अवधि सुरु भइसकेको छ । योसँगै चुनावी प्रचारप्रसारका कार्यक्रम बन्द छन् । चुनावी माहोलले तातेका काठमाडौंसहित धेरै शहर बिहानैदेखि सुनसान छन् । तर, बसपार्क, उपत्यकाबाट बाहिरिने नाकामा भने मतदानका लागि घर फर्किनेको ठूलो भिड देखिएको छ । मतदान गर्ने समय नजिकिएसँगै उपत्यकाबाट बाहिरिने नाकामा यात्रुको ठूलो संख्यामा भिड देखिएको हो । बसपार्क र नाकाहरूमा घर फर्कनेको घुइँचो देख्दा लाग्छ दसैं–तिहार आइसक्यो । तस्बिरमा हेरौं, मतदानका लागि काठमाडौं उपत्यकाबाट गाउँ फर्कनेको लर्को :