आज देशभर स्थानीय तहको निर्वाचन हुँदैछ । निर्वाचनमा मतदानका लागि बिहानैदेखि मतदाता लाइनमा बसेका छन् । निर्वाचन आयोगका अनुसार बिहान ७ बजेदेखि मतदान कार्य सुरु भएको छ । कूल १ करोड ७७ लाख ३३ हजार ७२३ जना मतदाता रहेको आयोगले जनाएको छ । निर्वाचन आयोगमा सूचीकृत मतदाताले मतदाता परिचय पत्र नभए अन्य सरकारी कागजातले मतदान गर्न सकिने व्यवस्था गरिएको आयोगले जनाएको छ ।
 
निर्वाचनमा पुरुष मतदाता ८९ लाख ९२ हजार १० जना र महिला मतदाता ८७ लाख ४१ हजार ५३० जना रहेका छन् । ६ महानगरपालिका ११ उपमहानगरपालिका २७६ नगरपालिका र ४६० गरि ७५३ स्थानीय तहमा निर्वाचन हुने निर्वाचन आयोगले जनाएको छ । यसपालि ३५ हजार २२१ जना निर्वाचित हुनेछन् ।