स्थानीय निर्वाचनअन्तर्गत आज भएको मतदानमा बझाङमा ६० प्रतिशत मत खसेको छ । जिल्लाभरिमा ६० प्रतिशत मत खसेको मुख्य निर्वाचन अधिकृत विष्णु प्रसाद गौतमले जानकारी दिए । 

एनका अनुसार अहिले पालिकाको केन्द्रमा केही वडाका मतपेटिका पुगिसकेका छन् । केही स्थानका मतपेटिका पुग्ने क्रम जारी रहेको उनले बताए । 

यसैबीच, बझाङका ६ वटा मतदान केन्द्रको मतदान भने स्थगित भएको छ । जिल्लाको जयपृथ्वी नगरपालिका–७ को ‘क’ र ‘ख’ मतदान केन्द्र, केदारस्यूँ गाउँपालिका–४ को ‘क’, ‘ख’ र सुर्मा गाउँपालिकाको दुईवटा मतदान केन्द्रमा मतदान प्रक्रिया स्थगित भएको हो । 

मतदानको क्रममा गठबन्धन र नेकपा एमालेका कार्यकर्ताबीच झडप भएपछि ती स्थानको मतदान स्थगित गरिएको मुख्य निर्वाचन अधिकृत अवस्थीले बताए । 

उनका अनुसार आज मतदान हुन नसकेका स्थानमा एक/दुई दिनभित्र नै चुनाव हुनेछ ।  शान्त वातावरणमा मतदान सम्पन्न भएका स्थानीय तहमा भने आज राति ९ बजेपछि मतगणनाको काम थालिने छ । 

जिल्लाको जयपृथ्वी नगरपालिका, केदारस्यूँ र सुर्मा गाउँपालिकामा भने मतदान सम्पन्न नहुँदासम्म मतगणना हुने छैन ।