सुदूरपश्चिमको एक मात्र उपमहानगरपालिका धनगढीको मतगणना शनिबारदेखि सुरु हुने भएको छ । मतपेटिका संकलनमा समय लाग्ने भएकाले भोलि बिहानदेखि मतगणना थालिने भएको हो ।

सर्वदलीय बैठक बसेर भोलिबाट मतगणना गरिने कैलालीका मुख्य निर्वाचन अधिकृत जयानन्द पनेरुले बताए ।  मुख्य निर्वाचन अधिकृतकको कार्यालयकाको पछिल्लो अपडेटअनुसार धनगढी उपमहानगरपालिकामा ६५ प्रतिशतभन्दा बढी मत खसेको छ । अहिलेसम्म कुल ९३ हजारमध्ये करिब ६० हजार बढी मत खसेको पनेरुले जानकारी दिए । जुन कुल मतदाताको ६५ प्रतिशत हो । 

मतदान सकिएका केन्द्रहरुबाट मुचुल्का बनाएर मतपेटिका एक ठाउँमा संकलन गर्ने काम भइरहेको छ । धनगढीको मेयर, उपमेयरसहित ९७ जना जनप्रतिनिधि चुन्नका लागि आज मतदान सम्पन्न भएको छ । उपमहानगरको मेयरमा मात्रै ९ जनाको उम्मेदवारी छ ।