सुदूरपश्चिमको एकमात्र उपमहानगरपालिका धनगढीमा स्वतन्त्र उम्मेदवार गोपाल हमालको अग्रता कायम छ। सुरुवातदेखि नै अग्रता लिएका हमालले ३ हजार ८९२ मतगणना हुँदा १ हजार ८२९ मत पाएका छन्। 

यस्तै, सत्तारुढ गठबन्धनबाट काँग्रेसका उम्मेदवार नृपबहादुर वडले १ हजार ५६ मत पाएका छन्। हमाल र वडबीच ७७३ मतको अन्तर छ। यस्तै नेकपा एमालेका रणबहादुर चन्दले १९२ मत पाएका छन्। 

यस्तै, उपमेयरमा माओवादी केन्द्रकी शान्ति अधिकारीले ९०४, स्वतन्त्र उम्मेदवार प्रभाकर भण्डारीले ६१७ र एमालेकी कन्दकला रानाले ५०६  मत पाएका छन्। यो वडा नम्बर १ को मतगणना नजिता हो।  अहिले १९ को पनि मतगणना भइरहेको छ। 

शुक्रबार भएको स्थानीय तह निर्वाचनमा धनगढीमा रहेका ९३ हजार १५१ मतदातामध्ये ६३ हजार ७१५ जनाले मतदान गरेका थिए। अहिले वडा १ र १९ मतगणना जारी रहको छ । उपमहानगरमा ९७ जना जनप्रतिनिधि चुन्नका लागि मतदान भएको हो।