मकवानपुरको हेटौंडा उपमहानगरपालिकाको मतगणना जारी छ । ३३ हजार ५७८ मतगणना हुँदा गठबन्धनका तर्फबाट मेयर उम्मेदवार रहेकी एकीकृत समाजवादीकी मीनाकुमारी लामाले अग्रता कायमै राखेकी छन् ।

पछिल्लो मत परिणामअनुसार उनले १० हजार ४१० मत प्राप्त गरेकी छन् । उनलाई पछ्याइरहेका राप्रपाका उम्मेदवार दीपकबहादुर सिंहले ९ हजार ९२२ मत पाएका छन् । लामा र सिंहबीच मतान्तर ४८८ रहेको छ । 

त्यस्तै, हिजोसम्म धेरैपछि रहेका नेकपा एमालेका मेयर प्रत्यासी अनन्त पौडेलले ९ हजार २५ मत प्राप्त गरेका छन्  । त्यस्तै,  उपमहानगरपालिकाको उपमेयरमा गठबन्धनका तर्फबाट उम्मेदवार रहेका राजेश बानियाँले १५ हजार ४५५ मत प्राप्त गरेका छन्  । 

दोस्रोमा रहेकी एमालेकी सुमित्रा काफ्लेले १० हजार ५८१ मत प्राप्त गरेकी छन्  । त्यस्तै, राप्रपाका उपमेयर उम्मेदवार इन्दिरा न्यौपाने डल्लाकोटीले १ हजार ४४८ मत प्राप्त गरेकी छन् ।