मकवानपुरको हेटौंडा उपमहानगरपालिकाको मेयरमा गठबन्धनबाट उम्मेदवार रहेकी नेकपा एकीकृत समाजवादीकी मीनाकुमारी लामाले अग्रता कायमै राखेकी छन् ।
५२ हजार ९०१ मत गणना हुँदा उनले १६ हजार ४७१ मतका साथ अग्रता कायमै राखेकी हुन् । लामालाई पछ्याइरहेका नेकपा एमालेका उम्मेदवार अनन्त पौडेलले १५ हजार ४०९ मत प्राप्त गरेका छन् ।
अहिले पौडेल र लामाको मतान्तर १०६२ रहेको छ । राप्रपाका मेयर प्रत्यासी दीपकबहादुर सिंहले १४ हजार ७४९ मत प्राप्त गरेका छन् । उनी बुधबार साँझदेखि तेस्रो स्थानमा खस्किएका हुन् ।
त्यस्तै, उपमहानगरको उपमेयरमा कांग्रेसका राजेश बानियाँ २३ हजार ८९७ मतका साथ अग्रस्थानमा छन् । उनका प्रतिस्पर्धी एमालेकी सुमित्रा काफ्लेले १७ हजार २८० मत प्राप्त गरेकी छन् ।
त्यस्तै, राप्रपाकी उपमेयर प्रत्यासी इन्दिरा न्यौपाने डल्लाकोटीले ३ हजार ७०८ मत प्राप्त गरेकी छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
