नेकपा एकीकृत समाजवादीले आफ्नो पार्टीबाट निर्वाचित जनप्रतिनिधिलाई एक सातामा सम्पत्ति विवरण सार्वजनिक गर्न निर्देशन दिएको छ ।

एकीकृत समाजवादीले स्थानीय तहको निर्वाचनमार्फत निर्वाचित भएका जनप्रतिनिधिलाई १७ जेठसम्म सम्पत्ति विवरण गर्न सार्वजनिक निर्देशन दिएको हो

पार्टी महासचिव बेदुराम भुसालले बुधबार निर्वाचन विशेष सर्कुलर जारी गर्दै भनेका छन्, 'जवाफदेहिता र पारदर्शिता जनताको विश्वास आर्जन गर्ने प्रमुख अस्त्र हो जसले जनताको सेवामा समर्पित योद्धाहरूलाई उर्जा समेत प्रदान गर्दछ। तसर्थ, हाम्रो पार्टीको तर्फबाट निर्वाचित सम्पूर्ण जनप्रतिनिधि कमरेडहरूले आगामी जेठ १७ गतेभित्र आ-आफ्नो सम्पत्ति विवरण सार्वजनिक गर्नुहोला ।'