लखनउ सुपर जाइन्ट्सलाई १४ रनले हराउँदै रोयल च्यालेन्जर्स बैंग्लोर इन्डियन प्रिमियर लिग (आइपिएल) को क्वालिफायरमा प्रवेश गरेको छ ।
पराजित लखनउ भने लिगबाट बाहिरिएको छ । अब बैंग्लोरले दोस्रो क्वालिफायरमा राजस्थान रोयल्ससँग खेल्नेछ । राजस्थान पहिलो क्वालिफायरमा गुजरात टाइटन्ससँग पराजित भएको थियो । गुजरात फाइनल पुगिसकेको छ ।
बुधबार राति भएको एलिमिनेटरमा बैंग्लोरले दिएको २०८ रनको लक्ष्य पछ्याएको लखनउले २० ओभरमा ६ विकेट गुमाएर १९३ रनमा समेटियो ।
उसका कप्तान केएल राहुलले सर्वाधिक ७९ रन बनाए । बैंग्लोरका जोश हाजलउडले सर्वाधिक तीन विकेट लिए ।
त्यसअघि कोलकातास्थित इडेन गार्डेन मैदानमा टस हारेर पहिले ब्याटिङ गरेको बैंग्लोरले २० ओभरमा ४ विकेट गुमाएर २०७ रनको योगफल तयार पारेको थियो ।
उसका लागि रजत पाटीदारले शतकीय पारी खेले । उनले ५४ बलमा १२ चौका र सात छक्कासहित अविजित ११२ रन बनाए । लखनउका लागि कृणाल पाण्ड्या, मोहसिन खान, आवेश खान र रवि विश्नोईले एक/एक विकेट लिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
