चितवन– सत्तारुढ दल नेकपाका एक अध्यक्ष पुष्पकमल दाहाल प्रचण्डले प्रमुख प्रतिपक्षी दल नेपाली कांग्रेस सरकारसँग मिलेर काम गर्न सहमत भएको दाबी गरेका छन् ।
चितवनको पुनर्निर्माणबारे मंगलबार भएको छलफलमा प्रचण्डले प्रधानमन्त्री केपी शर्मा ओली, प्रतिपक्षी दलका नेता शेरबहादुर देउवालगायत नेताबीच सोमबार भएको छलफलमा राष्ट्रिय मुद्दामा मिलिजुली काम गर्ने सहमति भएको उनले बताए । ‘हिजो देउवासहित वरिष्ठ नेताहरुसँग छलफल भयो,’ अध्यक्ष प्रचण्डले भने, ‘राष्ट्रिय मुद्धामा सहमति गरेर जाने कुरा भएको छ ।’
अर्को प्रसंगमा अध्यक्ष प्रचण्डले जिल्लामा पुनर्निर्माणको कामलाई तीव्रता दिइने बताए । भूकम्पले क्षति गरेका १४ जिल्लालाई पहिला प्राथमिकतामा राखेर पुर्ननिर्माण गरिएको उल्लेख गर्दै उनले भने, ‘अब १७औँ जिल्लाका रुपमा रहेको चितवनको पुनर्निर्माणले गति लिन्छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।