काठमाडौंको फोहोर व्यवस्थापन र स्थानीय सरोकारका विषयमा छलफल गर्न काठमाडौं महानगरपालिकाका मेयर र उपमेयर सिसडोल पुगेका छन् । बिहीबार सहरी विकासमन्त्री रामकुमारी झाँक्रीसँगको भेटपछि मेयर काठमाडौं महानगरका मेयर बालेन्द्र शाह (बालेन) र उपमेयर सुनिता डंगोल स्थानीयका समस्या र पूर्वाधार विकासबारे अध्ययन गर्न सिसडोल पुगेका हुन् ।  

मेयर शाह केही दिनअघि पनि काठमाडौंको फोहोर व्यवस्थापन कसर िगर्ने भन्ने विषयमा अध्ययन गर्न सिसडोल पुगेका थिए । डम्पिङ साइटका कारण समस्या झेल्नुपरेको भन्दै सिसडोलबासी पटकपकट आन्दोलन गर्दै आएका छन् । फोहोर व्यवस्थापनका लागि दीर्घकालिन उपाय खोज्न मेयर शाहले निर्वाचित भएलगत्तै विभिन्न क्षेत्रका विज्ञसँग छलफल पनि गरिरहेका छन् ।