बलिउड अभिनेता सलमान खान र उनका पिता सलीम खानलाई मारिदिने धम्कीसहितको पत्र आएपछि प्रहरीले यसबारे खोजबिन सुरु गरेको छ । 

मुम्बई प्रहरीमा त्यही चिठीको आधारमा उजुरी दिइएको छ र प्रहरीले यसबारे खोजी गर्न थालेको छ । प्रहरीले यो जानकारी आइतबार दिएको हो । 

यही आधारमा बान्द्रा प्रहरीले पनि छानबिन सुरु गरेको छ ।

पन्जाबी गायक मुसेवालको हत्यापछि सलमान खानको सुरक्षा पनि बढाइएको भारतीय मिडियाले जनाएका छन् । आइतबार चिठीबारे जानकारी दिए पनि प्रहरीले यसबारे थप विवरण दिएको छैन ।