काठमाडौंका धेरै मुख्य सडक फेरि फोहोरका कारण दुर्गन्धित बनेका छन् । मुख्य सडकमै फोहोरको डंगुर थुप्रिन थालेपछि आवतजावत गर्नसमेत समस्या भइरहेको छ । धेरै ठाउँमा स्थानीय तह निर्वाचन अघिदेखि नै थुप्रिएको फोहोर पनि संकलन गरिएको छैन । जसकारण पनि सडकमै फोहोरको थुप्रो लागिरहेको छ । सिसडोल र बञ्चरेडाँडाबासीले फाल्न नदिँदा अहिले काठमाडौंको फोहोर उठ्न नसकिएको बताइएको छ । सिसडोल र बञ्चरेडाँडाबासीले आफ्नो माग पूरा नहुँदासम्म फोहोर फाल्न नदिने बताउँदै आएका छन् । केही दिनअघि काठमाडौं महानगरका मेयर बालेन्द्र शाह र उपमेयर सुनिता डंगोल नै सिसडोल र बन्चेरेडाँडा पुगेका थिए । उनीहरूले स्थानीयसँग फोहोर फाल्न दिन आग्रह गरेका थिए । मेयर शाहले फोहोरको दुर्गन्ध हटाउनका लागि केमिकल छर्ने बताएका थिए । उता स्थानीय माग पूरा हुने आशामा बसिरहँदा काठमाडौंका सडकमा भने फोहोरको पहाड लागिरहेको छ । हेरौं तस्बिर  :