एजेन्सी– इजरायलका पूर्व क्याबिनेट मन्त्री गोनेन सेगेवलाई इरानका लागि जासुसी गरेको भन्दै ११ वर्षको जेल सजाय सुनाइएको छ । इजरायलको न्यायिक मन्त्रालयले यसको जानकारी दिएको हो ।

गोनेन १९९० को समयमा इजरायलका उर्जा मन्त्री भएका थिए । उनले इरानका लागि आफूले जासुसी गरेको स्वीकार गरेका छन् । ५३ वर्षीय गोनेनमाथि गोप्य सरकारी सुचना र सेनासँग सम्बन्धित अन्य सुचनाहरु इरानलाई दिएको आरोप लागेको थियो । 

उनले इजरायलको सैन्य ठेगाना र सुरक्षा संस्थाका अधिकारीहरुको जानकारी इरानलाई दिएका थिए । 

गोगेनलाई यो भन्दा पहिला २००५ मा राजनीतिक पासपोर्ट प्रयोग गरेर नेदरल्यान्डबाट ३० हजारको लागूपदार्थ तस्करी गरेको आरोपमा पाँच वर्ष जेल जानु परेको थियो । यसपछि उनी नाइजेरिया गएका थिए । 

उनको सजायको औपचारिक घोषणा ११ फेबु्रअरीमा हुनेछ । तर यस केसमा इरानी अधिकारीहरुको भने कुनै बयान आएको छैन् ।