जनता समाजवादी पार्टी (जसपा)को धनुषा जिल्लाको स्थानीय निर्वाचनको समीक्षा बैठकमा नेताहरुबीच नै कुटाकुट भएको छ ।
अध्यक्ष उपेन्द्र यादव सहभागी कार्यक्रममा नै अन्तर्घातका कारण विभिन्न पालिकामा हारिएको भन्दै नेताहरुले कुटाकुट गरेका हुन् । नामै किटेर आरोप प्रत्यारोप चल्न थालेपछि त्यहाँ कुटाकुट भएको हो ।
सबैला नगरपालिकाका जसपा अध्यक्ष वैधनाथ रायले चुनावमा केन्द्रीय सदस्य साधु यादवलगायतको समूहले अन्तर्घातको आरोप लगाएका थिए । उनी सिटमा मात्र के बसेका थिए, यादवका समर्थकले उनीमाथि कुटपिट गरेका हुन् ।
कार्यक्रममा सहभागी एक नेताले कुटाकुट गर्नेलाई केही बेरमा नै बाहिर निकालिएको र कोही पनि गम्भीर घाइते नभएको बताएका छन् ।
कुटाकुटमा सिकिन्दर सिंह यादव, जितेन्द्र मुखिया र अवधकिशोर रविदासलाई चोट लागेको छ । तर, कार्यक्रमस्थलमा हातहतियार नभएकाले ठूलो चोट लाग्न नपाएको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
