काठमाडौं महानगरपालिकाका मेयर बालेन्द्र शाह (बालेन) र नेपालका लागि फ्रान्सेली राजदूत गिल्स बोरबाओ भेटवार्ता भएको छ । बुधबार भएको भेटवार्तामा दुई देशबीचको सम्बन्ध, कला क्षेत्रको विषयमा कुराकानी भएको थियो । 

‘दुई देशबीचको सम्बन्ध कहिल्यै ‘एकतर्फी’ हुनुहुँदैन । हामीले कसरी फ्रान्सेली मानिसहरूलाई हाम्रो कला र वास्तुकलामा योगदान दिन सक्छौं र तिनीहरूबाट विश्वस्तरीय प्रविधि प्राप्त गर्न सक्छौं भन्ने बारे छलफल गर्यौं,’ मेयर शाहले फेसबुकमार्फत भनेका छन्, ‘अरनिको बिल्ट बेइजिङ इतिहासका पुस्तकहरूमा मात्र सीमित हुनु हुँदैन ।’