राष्ट्रपति विद्यादेवी भण्डारीले दिगो विकासका लागि विभिन्न संस्था र व्यक्तिलाई जीवन विकास पुरस्कार, २०७७ अन्तर्गत पुरस्कार र प्रोत्साहन प्रदान गरेकी छन् ।

राष्ट्रपति भवन शीतल निवासमा आयोजित कार्यक्रममा सो पुरस्कार प्रदान गरिएको हो । राष्ट्रपति भण्डारीले शैक्षिक संस्था विधातर्फ रिड नेपाल ललितपुर, शैक्षिक संस्था विधातर्फ कंकाली मावि चन्द्रागिरि, काठमाडौं, शिक्षक मासिक ललितपुर र नारी विकास संघ, मोरङलाई प्रोत्साहन पुरस्कार प्रदान गरेकी छन् ।

यस्तै, बाल संरक्षण संस्था, सर्लाही, जनज्योति मावि कमलामाई, सिन्धुली, आदर्श मावि, मेचीनगर, झापा, सुदर्शन सिग्देल (आजको शिक्षा साप्ताहिक) र रुवी रौनियार (नागरिक दैनिक)लाई पनि प्रोत्साहन पुरस्कार प्रदान गरिएको छ ।

सामाजिक संस्थालाई तीन लाख, शैक्षिक संस्था विधातर्फ तीन लाख र पत्रकारलाई दुई लाख पुरस्कार प्रदान गरिएको छ । प्रोत्साहनतर्फ ती विधामा क्रमशः एक लाख र ५० हजार प्रदान गरिएको हो ।