पेगम्बर मोहम्मदको विषयमा भारतीय जनता पार्टीकी पूर्वप्रवक्ता नुपूर शर्माको टिप्पणीविरुद्ध भारतका विभिन्न ठाउँमा प्रदर्शन भइरहेको छ । प्रदर्शनमा अहिलेसम्म २ जनाको मृत्यु भइसकेको छ ।

भारतीय समाचार एजेन्सी एएनआइका अनुसार राँचीको रिम्स अस्पतालमा प्रदर्शनमा प्रहरीको झडपपछि घाइते भएर ल्याइएका घाइतेमध्ये २ जनाको मृत्यु भएको हो ।

शुक्रबार जुमेको नमाजपछि भारतका विभिन्न सहरमा नुपूरको टिप्पणीको विरोधमा प्रदर्शन सुरु भएको हो । 

राँचीमा मात्र सयौँ मानिसहरु प्रदर्शनमा निस्किएका छन् र प्रहरीसँगको झडप भइरहेको छ । त्यहाँ प्रहरीले धारा १४४ लागु गरेको छ । अनि त्यहाँ इन्टरनेट सेवा आइतबारसम्मका लागि बन्द गरिएको छ ।