काठमाडौं– राजश्व जम्मा हुने बैंक तथा वित्तीय संस्थाको शाखा तथा काउन्टर शनिबार र बिदाको दिनसमेत सञ्चालन ल्याउन नेपाल राष्ट्र बैंकले निर्देशन दिएको छ । शनिबार राजश्व बुझ्ने प्रयोजनका लागि बैंक तथा वित्तीय संस्थाका शाखा तथा काउन्टर पूरै समय खुला राखी नियमित रूपमा राजश्व बुझ्न आग्रह गरिएको हो ।

अर्थ मन्त्रालयलको आग्रहअनुसार वाणिज्य बैंक तथा वित्तीय संस्थालाई उक्त निर्देशन दिइएको हो । चालू आर्थिक वर्षको ६ महिनाको राजश्व तिर्नका लागि पुस मसान्तसम्मको समायावधि रहन्छ ।

यस्तै, राजश्व दाखिलाका चेक क्लियरिङ गर्ने प्रयोजनका लागि नेपाल क्लियरिङ हाउस लिमिटेडलाई समेत सदाजस्तै खुला गर्ने व्यवस्था मिलाउन निर्देशन दिइएको छ । बैंकले क, ख र ग वर्गका बेंक तथा वित्तीय संस्थालाई उक्त निर्देशन दिएको हो ।