बलिउड अभिनेता वरुण धवनका बुबा तथा फिल्ममेकर डेविड धवन अस्पताल भर्ना भएका छन् । उनलाई मुम्बईको एक अस्पतालमा भर्ना गरिएको हो । मधुमेहका कारण डेविडको स्वास्थ्य अवस्था बिग्रिएको भारतीय सञ्चारमाध्यमले जनाएका छन् ।   

बुबा अस्पताल भर्ना भएको खबर पाएलगत्तै वरुण आफ्नो आगामी फिल्म ‘जुगजुग जियो’ को प्रमोशन कार्यक्रम छाडेर मुम्बई फर्किएका छन् । बुधबार दिउँसो वरुण फिल्मको प्रचारमा व्यस्त थिए । तर, बुबाको स्वास्थ्यअवस्थाबारे जानकारी पाएलगत्तै उनी हतारहतारमा अस्पताल पुगेका छन् । 

डेविडले आफ्नो करियरमा धेरै सुपरहिट चलचित्र बनाएका छन् । जसमा ‘कुली नम्बर १’, ‘मै तेरा हिरो’, ‘जुडवा’, ‘हसीना मान जायेगी’, ‘साजन चले सुसरल’, ‘जोडी नम्बर १’, ‘पार्टनर’, ‘मैने प्यार क्यूँ किया’ जस्ता फिल्महरू छन् ।