ताप्लेजुङको सिरिजङ्घा गाउँपालिका–७ खेवाङमा गएराति झरेको पहिरोमा पुरिएर सासू र बुहारी बेपत्ता भएका छन् । प्रहरीका अनुसार वर्षासँगै राति करिब साढे ८ बजे झरेको पहिरोमा पुरिएर तुलसा अधिकारी र यशोदा अधिकारी बेपत्ता भएका हुन् । तुलसा सासू र यशोदा बुहारी हुन् ।  

यशोदाका श्रीमान् विष्णु अधिकारी भने त्यहाँबाट भागेर ज्यान जोगाउन सफल भएका छन् । पहिराले अधिकारीका दुईवटै घर बगाएको छ भने नजिकै रहेका पशु चौपायासमेत पुरेको छ । घटनाबारे विस्तृत विवरण आउन बाँकी छ ।