दाङको बबई नदीमा बनाइएको पुलको संरचना भत्किएको छ । बबई गाउँपालिका–७ मठेउरादेखि रावततरा जोड्ने नवनिर्मित पुलको संरचना भत्किएको हो । 

पुलको सुरक्षाका लागि लगाइएको तारजाली सबै भत्किएको छ । मापदण्डअनुसार तारजाली नलगाइँदा बनाइका संरचना भत्किएको स्थानीयको भनाइ छ । मनसुन सुरु नहुँदै नवनिर्मित संरचना भत्किँदा वर्षायाममा जोखिम बढेको उनीहरूले बताए ।

केही महिनापहिले मात्र निर्माण सम्पन्न पुलको हालसम्म उद्घाटन समेत भएको छैन । ०७२ सालदेखि निर्माण सुरु भएको पक्की पुल निर्माणको काम केही समयपहिले सम्पन्न भएको थियो । निर्माणाधीन क्रममा बाढीले पुल भत्काएपछि नयाँ डिजाइनमा पुनःनिर्माण गरिएको थियो ।