राष्ट्रिय कविता महोत्सव–२०७९’ मा सुनसरीकी कवि टीका आत्रेयको कविता ‘संकल्प’ प्रथम भएको छ । नेपाल प्रज्ञा प्रतिष्ठानले वार्षिक रूपमा आयोजना गर्दै आएको राष्ट्रिय कविता महोत्सवमा यस वर्ष आत्रेयले प्रथम स्थान प्राप्त गरेकी हुन् । 

धादिङका यात्रीप्रकाश पाण्डेको कविता ‘आगोमा फुलेको देश’ द्वितीय र भक्तपुरकी सीता तुम्खेवाको ‘चरिसो फूल’, सुनसरीका किरन सिवाको ‘बुबाको सिलाई मेसिन’ र अछामका कमलराज केसीको ‘सपना उम्रन्छ माटोमा’ शीर्षकका कविता तृतीय भएको प्रज्ञा प्रतिष्ठानले जनाएको छ । 

नेपाल प्रज्ञा प्रतिष्ठानका सदस्यसचिव प्रा. जगत्प्रसाद उपाध्यायद्वारा प्रेषित विज्ञप्तिमा ६५औँ वार्षिकोत्सवका अवसरमा बिहीबार सम्पन्न कविता महोत्सवमा उल्लेखित कविताका कविहरू पुरस्कारका लागि छनोट भएको जनाइएको छ ।