प्रदेश–१ का पूर्वमन्त्री हिक्मत कार्कीको घर अगाडि शंकास्पद वस्तु फेला परेको छ । आज बिहान झापाको गौरादह नगरपालिका–३ स्थित कार्कीको घर अगाडि प्रेसरकुकर बम जस्तो शंकास्पद वस्तु फेला परेको हो । 

सो घर एमाले झापाका अध्यक्ष दीपक कार्कीको पनि हो । आज बिहान ५ः३० बजेतिर तार जोडिएको कुकर फेला परेको थियो । उनले पुरानो कुकरमा तार जोडिएको अवस्थामा कुकर फेला परेको भन्दै सामाजिक सञ्जालमा सार्वजनिक गरेका थिए । 

खबरलगतै चारआलीबाट नेपाली सेनाको बम डिस्पोजल टोली शंकास्पद वस्तु फेला परेको स्थानमा पुगेको थियो । निरीक्षणपछि सो वस्तु ‘होक्स’ भएको पुष्टि भएको छ ।

 ‘कुकर खाली रहेछ, खाली कुकरमा तार जोडेको पाइयो,’ इलाका प्रहरी कार्यालय दमकका प्रहरी नायव उपरिक्षक दिलिप गिरीले भने ।