अविरल वर्षासँगै पोखराका ठाउँ - ठाउँमा पहिरो र बाढीले बस्ती डुबानमा परेको छ । शनिबार बिहान पोखरा २५ सुइँखेतमा १५० घर डुबेका छन् । पहिरो खसेर खोला थुनिएपछि निकास रोकिएको छ । त्यहाँका डेढ सय घरका प्रभावितलाई सुरक्षित ठाउँमा सारिएको वडाध्यक्ष मोतीराज तिमिल्सिनाले जानकारी दिए ।

डुबानले बस्ती सँगै व्यावसायिक फार्महरुमा पूर्ण क्षति भएको छ । यस्तै, पोखरा महानगरपालिका वडा नम्बर १६ अर्मलास्थित खोलाखेतमा रहेको एक घर पहिरोले बगाएको छ । मानवीय क्षति भने भएको छैन । अन्य क्षेत्रका पनि सडक बगाएको छ । यातायात अवरुद्ध भएको प्रहरीले जनाएको छ ।