दाङको तुलसीपुरका पेट्रोल छर्केर घरमा आगो लगाउँदा एक महिला घाइते भएकी छन् । प्रहरीका अनुसार तुलसीपुर उपमहानगरपालिका–९ बेलुवानिवासी उज्जवल श्रेष्ठले पेट्रोल छर्केर घरमा आगो लगाउँदा उनकी श्रीमती २८ वर्षीया माया श्रेष्ठ घाइते भएकी हुन् । 

घाइते श्रेष्ठको अहिले राप्ती प्रादेशिक अस्पताल तुलसीपुरमा उपचार भइरहेको छ । श्रेष्ठकी श्रीमतीले आफूलाई पेट्रोल छर्केर मार्न खोज्दा घरमा पनि आगो लागेको बताएकी छन् ।

इलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालका अनुसार आगलागी हुँदा कोठामा रहेका दराज, कपडा, टिभीलगायतका सामग्री जलेर नष्ट भएका छन् ।

उज्जवलले श्रीमतीसँग पटकपटक विवाद हुने गरेको र तनावमा भएको बेला घरमा आगो लगाएको प्रहरीसमक्ष श्रेष्ठले बयान दिएका छन् । उनी अहिले प्रहरीको नियन्त्रणमा छन् ।