भारतको महाराष्ट्र प्रदेशका मुख्यमन्त्री उद्धव ठाकरेले राजीनामा दिएका छन् ।  सर्वोच्च अदालतले बहुमत परीक्षणका लागि आदेश दिएलगत्तै उनले पदबाट राजीनामा दिएका हुन् ।

अदालतले गएराति बहुमत परीक्षणका लागि आदेश दिएको थियो ।

त्यसलगत्तै ठाकरेले राजीनामा दिँदै सामाजिक सञ्जालमा लेखेका छन्, ‘म शिव सेनाहरूको रगत बगोस् भन्ने चाहन्नँ । त्यसैले महाराष्ट्रको मुख्यमन्त्री पद त्याग्दै छु । पद त्याग गर्दा मलाई कुनै दुःख लागेको छैन ।’

उनी करिब साढे २ वर्ष महाराष्ट्रको मुख्यमन्त्री भए ।