नेपाली राष्ट्रिय फुटबल टाेलीका दुई सदस्य अस्ट्रेलिया प्रस्थान गरेका छन् । फरवार्ड दर्शन गुरुङ र मिडफिल्डर सन्तोष तामाङ अस्ट्रेलिया गएका हुन् ।
पछिल्लो समय नेपाल छाडेर अस्ट्रेलियामा भविष्य खोज्न जाने नेपाली फुटबल खेलाडीको क्रम बढिरहेको छ । त्यसमा दर्शन र सन्तोष पनि थपिएका हुन् ।
दर्शनले एएफसी एसिया कप छनाेटअन्तर्गत जेठ अन्तिम साता कुवेतविरुद्ध गोल गर्दै इतिहास बनाएका थिए । दुई वर्षअघि राष्ट्रिय टिममा डेब्यू गरेका उनले कुवेतविरुद्ध दोस्रो हाफको थप गरिएकाे समयमा गोल गर्न सफल भएका थिए ।
याे कुवेतविरुद्ध ४० वर्षपछि नेपालले गरेकाे गोल थियो । उनले न्युराेड टिम (एनआरटी) बाट `ए´ डिभिजन लिग खेलेका थिए । चार वर्षअघि राष्ट्रिय टाेलीबाट डेब्यू गरेका सन्ताेषले नेपालका लागि १६ खेल खेलिसकेका छन् ।
उनले गत वर्ष विभागीय टोली त्रिभुवन आर्मी क्लबबाट `ए´ डिभिजन लिग खेलेका थिए । याे वर्ष मात्र राष्ट्रिय टोली छाडेर अस्ट्रेलिया जाने खेलाडीको संख्या चार पुगेकाे छ । यही वर्ष आशिष लामा र सुमन लामा अस्ट्रेलिया गएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।