नेपाली कांग्रेसको पदाधिकारी बैठक बस्दैछ । आज दिउँसो १ बजे पार्टी कार्यालय सानेपामा बस्ने बैठकमा भ्रातृ र शुभेच्छुक संस्थाको विधानका सन्दर्भमा छलफल हुनेछ ।
भ्रातृ संस्थाको विधानबाहेक समसामयिक राजनीतिबारे पनि छलफल हुने महामन्त्री गगन थापाले जानकारी दिए । बैठकमा प्रधानमन्त्री तथा पार्टी सभापति शेरबहादुर देउवा भने सहभागी नहुने बताइएको छ ।
पदाधिकारी बैठक उपसभापति पूर्णबहादुर खड्काको नेतृत्वमा बस्ने बुझिएको छ ।
बैठकमा विधान परिमार्जन र पारित गर्नका लागि पार्टीभित्र सहमति निर्माणका लागि छलफल हुने सहमहामन्त्री महालक्ष्मी उपाध्याय (डिना) ले बताइन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।