अपराध अनुसन्धान कार्यालय काठमाडौंले विदेशमा काम दिलाउने विश्वास दिलाई ठगी गर्नेलाई पक्राउ गरेको छ ।
नुवाकोट साविक तुप्चे वडा न. ७ स्थायी घर भई हाल बूढानीलकण्ठ-३ घुम्तीमा बस्ने २७ वर्षीया शोभा पौडेललाई ठगीको आरोपमा प्रहरीले पक्राउ गरेको हो ।
सिन्धुली दूधौली नगरपालिका-१ बँका घर भई हाल तीनकुने बस्ने ३१ वर्षीय नारायण बोगटीसमेत ९ जनालाई न्युजिल्याण्ड पुगेपछि मासिक १ लाख ७० हजारसम्म तलब भएको काम लगाइदिने विश्वास दिलाएर ६३ लाख २० हजार रकम लिई सम्पर्कविहीन भएपछि वैदेशिक रोजगार विभागले पक्राउ गर्न पत्राचार गरेपछि खोज तलास सुरु भएको थियो ।
खोजी गर्ने क्रममा २१ गते साँझ बूढानीलकण्ठ कपन निलो पुलबाट शोभालाई पक्राउ गरि थप अनुसन्धान तथा कारबाहीका लागि वैदेशिक रोजगार विभाग बुद्धनगर काठमाडौं पठाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
