नेकपा एमालेका अध्यक्ष केपी शर्मा ओलीले माओवादी पार्टीले सशस्त्र जनयुद्धका नाममा एमाले र कांग्रेसका कार्यकर्ता मात्रै मारेको आरोप लगाएका छन् ।
माओवादीले सशस्त्र आन्दोलन थाल्दाको माग सर्वपक्षीय गोलमेच सम्मेलन, सर्वदलीय सरकार र संविधानसभा मात्रै भएको उनको तर्क छ ।
अनावश्यक समयमा हतियार उठाउने, देशमा विग्रह मच्चाउने र युवालाई खाडीमा पठाउने काम माओवादीले गरेको अध्यक्ष ओलीको दाबी छ ।
‘संविधानसभाका लागि हतियार उठाउनु पर्दथ्यो र ? अहिलेसम्म पनि माओवादीले केका लागि हतियार उठाएको थियो प्रचण्डले जवाफ दिएका छैनन्, भोलिपर्सि जवाफ दिए हुन्छ’, उनले भने ।
एमाले नेता छविलाल कार्कीको १२ औं स्मृतिसभामा बोल्दै अध्यक्ष ओलीले, छवि कार्कीलाई घरमा गएर हड्डी भाँचेर मार्नुपर्ने कारण के हो ? प्रचण्डलाई थाहा छ ?’ छवि कार्कीको हत्या कमजोरी थियो भनेर प्रचण्डले जवाफ दिनुपर्ने बताए ।
‘अलिकति लज्जाबोध छैन, ढुंगाले हानेर, हड्डी भाँचेर, मैले छवि कार्कीको शव हेरेको थिएँ । नेपाली जनतासँग माफी माग्नु छैन । जनता पनि कहिले सचेत हुने होला त्यस्तालाई पनि अझै भोट हालिरहेका छन्’, उनले भने ।
भिडियो
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
