नेकपा माओवादी केन्द्रका नेता नारायणकाजी श्रेष्ठ प्रकाशले भारत भ्रमणमा रहेका आफ्ना अध्यक्ष पुष्पकमल दाहाल प्रचण्डलाई अतिक्रमित नेपाली भूमि फिर्ताबारे त्यहाँका प्रधानमन्त्री नरेन्द्र मोदीसँग कुरा राख्न अनुरोध गरेका छन् ।
उनले लिम्पियाधुरा, कालापानीको अतिक्रमित भूमि फिर्ताको मुद्दा उठाउन अध्यक्ष प्रचण्डसमक्ष आग्रह गरेका हुन् ।
प्रचण्डले आज मोदीसँग भेटवार्ता गर्दैछन् । त्यसअघि श्रेष्ठले प्रचण्डसमक्ष अतिक्रमित नेपाली भूमि फिर्ताबारे मोदीसँग कुराकानी गर्न आग्रह गरेका हुन् ।
‘भारतीय प्रम मोदीसँगको भेटवार्तामा पनि लिम्पियाधुरा, कालापानीको अतिक्रमित भूमि फिर्ता गर्नेलगायत नेपालको राष्ट्रिय हितका उपरोक्त सबै मुद्दाहरू स्पष्टसँग राख्नु हुने आशा गर्दछु,’ श्रेष्ठले सामाजिक सञ्जालमार्फत भनेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।