Thu, 19 Sep, 2019


साउदी अरब जान ललितकुमार घर्तीले लिए सुर्खेतबाट पहिलो श्रम स्वीकृति
फरकधार / माघ ६, २०७५

काठमाडौं– सुर्खेतबाट पहिलो श्रम स्वीकृति साउदी अरबका लागि ललितकुमार घर्तीले पाएका छन् । हेल्परका रुपमा साउदी अरब जान लागेका घर्तीको न्यूनतम पारिश्रमिक दुई हजार रियल तोकिएको छ । 



वैदेशिक रोजगारीसँग सम्बन्धित सेवालाई विकेन्द्रीत गर्दै लगेको सरकारले आइतबारदेखि कर्णाली प्रदेशको राजधानी सुर्खेतबाट श्रम स्वीकृति सेवा सुरु गरेको हो । 

कर्णाली प्रदेशको श्रम तथा रोजगार कार्यालयबाट नयाँ तथा पुनः श्रम स्वीकृतिको सेवा प्रदान गरिने श्रम, रोजगार तथा सामाजिक सुरक्षा मन्त्रालयले जनाएको छ ।

मन्त्रालयले यसअघि २ नम्बर प्रदेशको जनकपुर, ५ नम्बर प्रदेशको बुटबल र गण्डकी प्रदेशको राजधानी पोखराबाट श्रम स्वीकृति दिन सुरु गरिसकेको छ । 


यो सामाग्री सेयर गर्नुहोस्


यो पनि नछुटाउनुहोस्