logo-img

राष्ट्रवादी शक्तिको अभावमा ठूला दलको मनपरीतन्त्र : लिङ्देन

राप्रपा अध्यक्ष राजेन्द्र लिङ्देनले बलियो राष्ट्रवादी शक्तिको अभावमा ठूला राजनीतिक दलले मनपरितन्त्र चलाएकाले यसलाई परास्त गर्न राष्ट्रवादी शक्ति एक हुनुपर्ने बताएका छन् । 

बुधबार धनगढीमा विभिन्न राजनीतिक दल परित्याग गरेका नेताहरूलाई राप्रपामा प्रवेश गराउँदै लिङ्देनले भने, ‘आगामी निर्वाचन एउटा अवसर हो, एकताबद्ध हुन ढिला नगरौँ, गल्ती गरेर पछुतो मान्ने छुट देशभक्त राष्ट्रवादी नेता कार्यकर्ता र आम मतदातालाई छैन ।’

षड्यन्त्रपूर्ण ढंगबाट हटाइएको हिन्दू राष्ट्र र राजसंस्था पुनःस्थापनाका लागि राप्रपालाई बलियो बनाउनुपर्नेमा जोड दिँदै उनीहरुले आफूहरू विनासर्त राप्रपामा प्रवेश गरेको बताएका छन् । एमाले परित्याग गरी राप्रपा प्रवेश गरेका राजेश भण्डारीले इमानदार नेतृत्वको अभावमा समाजको सबै क्षेत्र प्रदूषित बनेको र नेतृत्व परिवर्तन गरेर नयाँ नेतृत्वको रुपमा लिङ्देनको उदय भएपछि राप्रपा आमजनताको आशा, भरोसाको नयाँ राजनीतिक शक्ति बन्ने दाबी गरेका छन् । 

कार्यक्रममा राप्रपाका नेताहरू चन्द्रबहादुर गुरुङ, सुदुरपश्चिम प्रदेश अध्यक्ष धर्मराज जोशी, सहायक प्रवक्ता पूर्ण चन्द, केन्द्रीय सदस्यहरु तीर्थराज चटौत, हिक्मत सिंह भण्डारी, गणेश विष्टलगायतको उपस्थिति थियो । 

राप्रपा कैलालीका अध्यक्ष होमबहादुर गुरुङले छिट्टै अर्को चरणको पार्टी प्रवेश गराउने र कैलालीमा राप्रपालाई बलियो शक्तिको रुपमा उभ्याउने दाबी गरेका छन् ।





  • प्रकाशित मिति : साउन ११, २०७९ बुधबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया